Hammer cooli Täg gsi

So oder so ähnlich würdi üsi Uffahrt Täg beschriebe :-)

De Dunnstig hämmer ja scho beschriebe, aber am Fritig hämmer wieder dörfe go schaffe. Doch de Nahuel isch mit de TaMu und ihrer Familie in Walterzoo gfahre und händ en lässige Tagesusflug gmacht.

Er isch nudelfertig hei cho und hät zerscht eh chli ziit für sich selber brucht. Nadine und Co hät de chli Maa sogar zu üs heibracht :-) und so hämmer doch spontan zämme Znacht gesse, also 6te.

 

Am Samschtig isch denn grad wieter gange, da de Neffe vom Götti & Gotti Geburtstag gha hät simmer alli Zämme in Knies Kinderzoo gfahre und händ dete en uh lässige Namittag verbracht. Mit Rössli riite, Spielplatz unsicher mache, ganz vieli lässigi Tier aluege und Streichle. Au am chlinschte Little John (6Mönät) häts Spass gmacht :-) Am Abe isch den de Yves no is Spital gfahre, da er am Morge alte Sofa entsorgt hät und debi es teil uf sin chline Zeche keit isch. Nach em Zoo bsuech hät er denn de Zeche nomal agluet und oh schreck, er isch blau und schwarz, also sicherlich broche. Ab is Spital go rönge, doch er isch nid broche oder grisse, eifach gar nüt ussert e verstuchig... obs würkli alles gseh händ. Naja mir sind kei Ärzt und müend dadruf vertraue ;-)

 

Und am Sunntig sind denn Müetter mal wieder go ritte gsi, dasmal am morge, denn mir währed eigendli no iglade gsi, aber das isch leider wege chrankheit abgeseit worde. Da Wetter so heiss gsi isch (bim ritte) hämmer nachher id Badi wele, doch die heime acho, alles Packt und wo isch jetzt Sunne? Nur no Wulche gseh ich und au de Yves gseht nüt usser Wulche, also bliebemer doch liebe die heime und machet üsse Garte, Yeah gesagt getan und jetzt fehlet nur no Stei für Steichörb :-) oh und Treppe zum abe cho.

 

Fotis zu dene tolle Täg findet ihr unter Gallery und über Uns, unser Haus

Bilder vom Walterzoo findet ihr hie http://nadinevollmin.repage2.de/

Kommentar schreiben

Kommentare: 0