Chilbi in Dübi

Endli isch es so wiit gsi! Wie lang hämmer jetzt scho druf planget das Chilbi in Dübi iitrift??

Geschter am  Mittag chunt das unerwartete Telefonat vom Omi, das a de Uffährt und am Weekend Chilbi isch. Ich han nid zweimal müese überlege, und han grad gseit, MIR CHÖMET!!!!

De chli weiss no nüd, denn er isch grad am schlafe gsi, mehr chönt aber meine er häts glich mitbecho, denn er isch frühner wach worde als süscht und somit simmer frühner bi de Chilbi a cho. Schnur straks simmer uf die erschti Bahn, ähm natürli nur de Nahuel :-) und siehe da, es gfallt ihm.... Doch leider viel guet, so das er scho fascht 5mal gfahre isch bis mir ihn wieder abebracht händ :-/

Schnell zu de Essenständ, aber achtung, isch de Nahuel am Bode, lauft er direkt wieder zum Karrusell zrug, jaja ganz Mami  (da chunt ja no guet use :-)) Also hämmer alli öpis gschlemmt bis es wieter gange isch für de chli Maa. Und da er ja so viel spass gha hät hämmer grad 10Runde für ihn kauft, also eini nach de andere. Er isch uf Traktor gsi, im Helikopter, im Sportwage, im CooleDoppel-Auto.... Wenn Bahn aghalte hät, isch er immer truurig worde, bis er en wietere Chip becho hät und de de Frau hät dörfe abghä. Ja er häts scho kapiert, Chip gleich Fahre :-)) Nach de letzschte Fahrt isch au er froh gsi, nümme müesse, so händ mir mis Männli und ich no uf de Flügendi Teppich chöne, und Omi und de Nahuel händ vo unte zue gluegt. Ach isch das lässig und cool gsi :-)) Freu mi scho riesig uf de Juni wenns heisst EUROPAPARK wir kommen !!