Zwische Grössi

Ja ja ich kenns ja scho vo mir. Kleider chaufe isch nid eifach, da ich obe umme e anderi grössi ha als vo de länge... doch das min chline Sunneschie jetzt au dra liede muess hät i nid dänkt. Grösse 86 isch bim Bund obe, fascht immer zchli, doch 92 eher no gross, bi de längi isch 86 eher kurz aber 92 definitiv no lang. Also wa machemer da jetzt? Klar

eifach es paar Hose nähe für min chline Maa :-) und da er zur ziit en mega Chleider dreckig macher isch, gits wohl no einigi meh dezue :-)

 

Zur ziit isch bi üs Umfall und Sturz Wuche agseit, scho die ganz Wuche flügt er um, schlat sich de Kopf a, oder Knü oder Nase. Am Mittwuch isch er so arg uf Nasefalle das er sogar liechts Naseblüete gha hät. Sis Fudi isch ganz blau, will er mehrmals uf Balkonschwelle keit isch. De Chopf hät au einigi Bühlene, eimal isch er i Türkante keit, es anders mal vom Stuehl floge...

 

En Dank a die viele Schutzängeli wo lueget das em Nahuel nüt schlimms passiert!

 

Hier no e Wortlischte vom chline Maa:

Dodi = Vogel
Bus= Bus
Fusch= Fuss
Fisch
Tuff = Töff
woischs = wo ist es?
tschüss
Nani = Nadine
Inia = Finya
inusch = Minusch (Katze)
aus = für wuffi soll was hergeben (ich glaube er meint sie heisst so)
heiss
eis = eins
Babapapa = Barbapapa
meh = mehr essen trinken ect.

Kommentar schreiben

Kommentare: 0