Weekend

Am Samstig morge häts erneut gheisse, ab go bädele. Mit es bizzeli schiess bin ich das mal is Bad gfahre. Angscht vorenem erneute Toibeli Nahule, doch es isch alles andersch cho als ich denkt han. Denn ich han mir Wasserverruckte Nahuel dasmal debi gah!!!! Er hät super mitgmacht und hät sogar Freud ga, am Schwümme, Plansche, ach eifach ab allem :-) Am schluss hät er den no uf Wasserrutschi dörfe und er hät das Super gmacht! Bin richtig stolz gsi über mis Buebeli. Somit gömmer jetzt jede Samstig is schwümme :-)

 

Am Namittag dänn isch letschte Fäscht vom Storchenäscht gsi. Mit super viel Küeche und Unterhaltige isch es en riese Event gsi, au wenns en trurige glichzitig isch. Zum Glück gahts aber wieder, denn in Othmarsinge häts es neuis Plätzli gfunde und so bliebts im Aargau erhalte (freu mich ja sehr, da mer ja nie weiss obs nomal eis git :-))

 

4930. Kind isch de Nahuel im Storchi gsi!

 

Nachenem Usgibe Spaziergang mit de Celine, hämmer de Abig gmüetlich gno.

De chli Maa meints mit em Usschlafe nümme so guet, und wird regelmässig um die 6i ume wach, so au am Sunntig morge. Mir sind denn glich im Bett liege bliebe und er hät eifach ganze Schlafzimmer uf de Kopf gstellt :-))

 

De Zmorge isch den bsundersch frühsch gsi, denn ich bin schnell zum Beck gfahre und han frischi Gipfeli und Brötli gholt, au am chline es bsunders guet gschmöckt.

 

Am Namittag sind den Jana und ich inem neue Stall gsi go probe Ritte und was söllemer eui dezue säge?

Es isch eifach Hammer gsi, meh gits unter Pflegepferde lese.

 

De chli Maa, macht zur ziit grad mega fortschritt, hät er sich doch nie gross um Babyzeiche-Sprach interessiert, chunts jetzt ufs mal. So hämmer geschter abe Buech füre gholt und mit ihm Bilder und Zeiche agluegt und er macht scho einige, isch richtig toll. und wie süess er das uf sini art macht, eifach goldig :-)