Bremse mit em K....

De Nahuel wot jetzt immer meh und meh laufe, was natürlich einersitz wunderschön unds andere lömmer jetzt mal :-) Er stosst liebend gern de Kinderwage vor sich hi. Hüt simmer fascht di ganz rundi zäme glaufe, er hät richtig viel spass gha und hät mer drü Blüemli gäh, übrigns seit er zu de Blüemli üemli, dass isch so schnussig wenn er das seit. Nebed dem Wort hät er grad e sprachexplusion, er redet jedes aber würklich jedes Wort nah. Hüt hät er eifach usem nüt DU gseit, oder HALLO und Ummeli für Hummeli. Laschtwage hät er au nahgseit, aber das überschrittet mini schrieblichi kompetenz um euch das ufschriebe chöne :-)))) Zrug zum spaziergang. Bi jedem Huusigang isch er richtig Tür gloffe, und ich ha mich hinderm nächste Baum oder Gebüsch versteckt, so das de chlini Maa schnell wieder zrug cho isch. Bi nem Parkplatz das selbe spiel, er richtig auto, doch da hinde dra häts no es wieters wägli gah, da ich nid gwüsst han obs e treppe hät bini ihm hinter her sprintet. Er findet das ja immer super luschtig und isch nach em fange denn spielerisch vor mir devo gsemmelet, i einere Freud, machts PANG und er liet da! Es hät ihn voll vorne usse ghaue und er hät leider mit em Kopf / Gsicht bremset. De armi Tropf hät so bitterlich brüelet, dass er mir richtig leid ta hät. 

Und das isch jetzt siehs Bülegsichtli!

Kommentar schreiben

Kommentare: 1
  • #1

    Sweet Lady (Donnerstag, 26 April 2012 12:51)

    *smile* das chunnt mer esoooooooooooooo bekannt vor *lach* sit 3 Wuche wird jedes Wort noche gsproche... wobi ebe einigi Buechstabe de nid mitchömed. Doch es isch herrlich zum zuelose und schön zum erlebe. Mir hend hüt meeeeeega Schwein gha hets ke Büle geh.... uf em Balkon umgheit und wär mi Fuess nid dert gsi het er uf em Bode ufgschlage :-(