Kranks Weekend

Am Samstigmorge bin ich als erschti vo allne ufgstande, zum de Zmorge-Tisch parats mache. Als ich de chli ghört han pläuderli bin i schnell ufe und han mi gfreut das de chli Maa so schön lang gschlafe hät. Doch was mich erwartet hät isch alles andere als schön :-( Er hät irgendwenn i de Nach oder am Morg is Bett kötzlet, und somit isch er vo Kopf bis Fuess volle gsi *igiitt* also de Maa gruefe damit er mir de Nahuel it Badwanne stellt zum abdusche und Bade. Doch er hät nur gschraue.

Er hät mir ja so leid da, aber das hät jetzt halt müesse si.

Nach em Bade häts zmorge gäh, doch er hät nur ganz wenig gesse, also han ich mal Fieber gmässe, und siehe da, er hät erhöti Temparatur. Nid schlimm aber gnueg für kei Hunger. Also hämmer es bizzeli gspielt und sache abgrumet vom Tisch. Doch de Nahuel isch immer schlechter zwäg worde und am 10ni isch er scho wieder im Bett gsi und hät gschlafe, ganzi zwei Stunde. Denn isch er no schlapper gsi und hät sogar 38°C Fieber gha. Gässe hät er nüt meh und isch nur no wie e todi Flüge ume gläge :-( Er hät de ganz Tag verpennt, isch immer mal wieder e halb stund wach gsi zum trinke und kuschle, bis er wieder i de arme vo üs igschlafe isch. Sogar de Bsuech hät ihn nid ufmuntere chöne. So krank isch üse chli Zwerg no nie gsi..... Da mir sis ganze Bett händ müesse Wäsche hät er bi üs dürfe schlafe und au Nacht hämmer dritte im Bett verbracht.

Am Sunntig isch er denn scho wieder viel besser zwäg gsi, Fieber weg und de chli Maa isch wieder am Pläuderle und am umelaufe, wie mer ihn halt kännt :-) Doch jetzt füllt er Windlene, echt nümme schön und churz druf abe isch ganze Fudi und Säckli knütsch rot und schmerzt ihm.

Vo tag zu tag wird das leider schlimmer, anstatt besser....


Kommentar schreiben

Kommentare: 0