Ferie in Stabio

Die erste zwei Wuche im Oktober hämmer erschti mal Ferie gmacht.

I de erste Wuche simmer die heime gsi und händs schöne Wetter gnosse, aber am Samstig simmer denn wiet wiet gfahre. I de NAcht simmer denn acho, und zwar in Stabio im Tessin. Es isch mega schöns Wetter dete gsi und mir sind jede  Tag lang go spaziere. Händs Dörfli unsicher gmacht und sind au fliessig go pöschterle. Für de Nahuel häts en neue Stadtbuggy gäh und fürs Mami e neui Wickeltäsche, da die alt kaputt gange isch.

Nur Nächt sind sehr asträngend gsi, da de chli Maa immer brüelet hät, warum hämmer nid gnau usegfunde, vielleicht will wieder es paar zäh unterwegs sind? oder hät er zwenig gesse, oder doch eher will mehr nid die heime sind?

 

Ach wer weiss das scho so gnau....

 

Am Samstag abig simmer denn au wieder hei gfahre, genau e Wuche simmer dette gsi. Am morge vom Sunntig chrablet de Nahuel zum Laufwägeli und fangt eifach ah zum laufe demit :-) Mir chönds fascht nid glaube.

 

Isini neui ufgab isch, am Mami immer alli chäschtli us ruhme und denn wieder ih ruhme.

Kommentar schreiben

Kommentare: 0