2012

Premiere bim Gotti und Götti schlafe

22.Februar

Gester abe isch es so wiit gsi! Erschti mal hämmer de Nahuel am Abe abgeh und üs es Konzert vo de EAV gönnt! Um die Siebni ume hämer de chli de Pate bracht und sind nach churzer erklärig wieder gange. De chli isch anschienend relativ müed gsi, isch scho bim spiele immer wieder ane glege und hät kuschelet. Bim abigliche Milchprodukt schlemme isch er nach 5 Löffeli au scho fascht igschlafe :-) und bim Gschichtli vorläse vom Gotti isch er denn tatsächlich i pfüselet! So stellt mer sich doch das als Eltere immer vor und genau so isch es bi üs itroffe, da bin ich ja super toll friede und so chamer doch ab und an e mal in Usgang ga :-)

Schlitte macht Spass aber nur elei ;-)

19.Februar

Am Samstig simmer mal wieder spontan zu mim Papi gfahre. Da Wetter so schön gsi isch, hämmer eifach müesse go schlittle. Me weis ja nie wenn de nächgschti Schnee chunt ;-)

Also simmer nach em Mittagesse grad abfahre und händ de Papi denn mitgno. Die erschte fahrte simmer abwechsligs wis mit em Nahuel gfahre doch, irgendwie hät er nid so viel spass gah. Nachere Stund hämmer es päusli igleit sind es Käffeli go ne und en feine Kueche hämmer üs gönnt.

Nach dem Päusli simmer witer gfahre doch i han e idee gha! Chum mir lönd de Nahuel mal e lei fahre, gesagt getan: und siehe da! De Nahuel hät gstrahlet überalli vier Backe! und so hät mir ihn ganz viel mal e lei fahre la. Das hät im so viel spass gmacht das er gigelet hät. Ach das isch so schön gsi und Wetter au! Unter de Gallery hämmer so gar es Video igstellt mit üsem chline Raser.

Nach em Schlittle simmer zum Papi go Znachtesse, de chli Maa hät au sehr viel gesse und da er so lang am schlittle gsi isch und nur ei Stund Mittagschlaf gmacht hät isch er am 19uhr scho im Bett gsi und hät tüf und fescht gschlafe.

Konfetti überall

17.Februar

Konfetti was für e erfindig :-/ überall im Huus hämmer die jetzte verteilt.

Sogar i de Windle hämmer welchi gfunde, dass glaubt mer fascht nid wemmers nid selber gseh hät.....

Fasnacht mir chömed

16.Februar

nach dem letschtes Jahr de Nahuel bim Kinderumzug in Niederbip igschlafe isch, gömmer hüt mit de Tagesmuetter und ihre chline verchleidet an Kinderball in Hägglinge :-) Fotis folget sicher no.

Ich bin ja gar nid so en Fan vo Fasnacht, aber mer macht ja viel für die chline, nid war :-)

Ohre zue hebe :-)

13.Februar

Nahuel verzellt:

Gester Abig bim Esse han ich de Nahuel ganz öpis lässigs entdeckt!

Und zwar: Wenn ich mini Finger id Ohre stecke denn ghöri .....nüt meh....

und wenn i si wieder use nimme denn ghöri wieder alles :-) das find i mega luschtig und lach mi fascht tod, übe das grad nomal und nomal und nomal!!!!

Mami

ob das e gueti entdeckig gsi isch wird sich no usse stellte :-))

Nahuel:

Des wittere han i Celine dörfe füetter und zwar hät si esse ganz sanft us mine händ gno, und ich ham mich wieder fascht kugelet vor lache, dass isch so luschtig das ich das grad wieder gmacht han :-)

Mami

kein Kommentar :-)) es hät ja irgenwenn müesse so cho :-)

Impf-Reaktion ;-(

12.Februar

Wer üs kennt weiss, dass mir nöd würkli für Impfige sind, doch im hiblick das de Nahuel ja vo chli a mit anderen Kinder bi de Tagesmuetter isch und spöter i de Krippe wird si, und da sowiso einigi Impf-Pflicht händ, hämmer üs für die Standart Impfige entschiede. Am Friitig simmer also wieder e mal go Impfe gsi und zwar die 5 fach ala Tetanus und Co. Doch kurz druf abe hät er en mega heisse Fleck becho! Also hämmer ihn abzoge und glueget und da gsender Usmahs!

De roti Kreis/Fleck hät ä längi vo 10cm und isch öpe 5cm breit, gschwulle und füür heiss! Es hät ihm au weh ta und isch froh gsi wemers nid aglange händ.

Für die wo sich jetzt fraget was das für es Pflaschter isch... Mir händ ihm en Stei aneklebt wo söt lindere.

De Fleck und Schwellig sind erscht hüt (Dienstag 14.Februar) total abklunge.....

Üsi neui Familiekutsche

10.Februar

Hüt isch es so wiet gsi, mir sind üses alti Auto go umtusche. Ich han im Vorfeld scho eis usgsuecht, ohne das mis Männli gnau gwüsst hät wie er usgseht :-) Mit es bizzeli bibere simmer hüt id Garage gfahre. Nach dem mir no schriftliche erledigt händ simmer hindere gange und da isch üsi neui Familiekutsche gstande. Beige metallick und inne schwarz, und es biz grösser als de alti. So hämmer en Renault Scenic zu enem Renault Grand Scenic tuscht :-)

Er isch en Automat, wie de alt, isch aber en 7 Plätzer und hät tönti Schiebe hinde. Parkcontrolle und es paar anderi extras :-)

Am Nahuel hät die ersti heifahrt au sehr guet gfalle, er hät gsunge und glachet, dass chan nur no besser cho :-)

Neui art vom Chämi

8. Februar

Ihr werdets nid glaube, aber üsi Heizig isch nach zwei Täg laufe scho wieder usgstiege... Am Mittwuch morge han i es aber sehr schnell gmerkt. Es isch eifach e chalti luft im Huus ume gschwirt. Also direkt abe in Keller go luege und wie erwartet isch sie wieder Tod gsi :-( Also nomal am Heiziger alüte und hoffe das es nüt schlimms isch. Und mir händ glück gha, es isch nur Chämi igfrohre und hät dadurch Abgas nüme chöne witer leite... So isch Chämi churzerhand abghänkt worde und jetzt lauft alles wieder. Ok Passante wirds wohl nid so freue, wenns üsi Abgas müend schmöcke :-) aber wüsset er was? Das isch mir wurscht, hauptsach mir händ WARM!

12°C im Huus

6. Februar

Die Nacht isch echt heftig gsi. Bevor mer is Bett sind hämmer chline öfeli no is Schlafzimmer da, damit chli wärmer isch. De rescht vom Huus (ussert KiZi) händ am 22uhr grad mal 15°C gah. Doch hüt am morge zeigt Temparatazeig grad no 12°C , bbbrrrrrrr und da söll mer sich umzieh? Nei nei nei, also so hani alli Chleider is Wohnzimmer abegno, det es führ gmacht im Cheminee und gwartet bis Kleider wärmer sind.

Mir hoffet fescht das de Heizigsmaa gli chunt und heizig flicke chan damit alles schnell wieder warm wird. Denn e witeri Nacht i dem chalte Huus chömer nid verbringe....

Bim Tagesmami acho, passierts nächschte übel: Ihri Huustüre isch igfrohre samt Schlüssel! *shock* Somit hät sie de Föhn müesse hole und mir dusse warte, nach enem churze erwärme (ca. 5-10min warte) isch Tür endli ufgange und mir händ id Wärmi chöne :-)))

Ich liebe ja de Winter, aber so seich muess er nie meh mache!

Heizig Tod brrrrr

5. Februar

Da denkt mer am Samstig morge nüt böses, bim chalte spaziergang. Die heime hät mer ja schön warm! Doch irgendwenn am Samstig morge muess üsi Heizig usgstige si, gnau wüsse mers nid. Am abig am Nüni ischs mir den ufgfalle da alles immer no chalt gsi isch. Also abe zu de Heizug und da gseh ich denn üses übel! Heizigsazeig isch Tod! und lut Fehlermeldig nid reparierbar ohni Fachmaa! Naja super also Notfalldienst aglüte: Mir händ zur ziet 20 wietere Fäll und es chunt eine nach em andere dra.... Ich chume frühestens am Sunntig morge! WAAASSS!!! Naja also ab Elektroöfeli gho hole und is Schlafzimmer installiere. Bim Nahuel häts ja scho eis, da hämmer nur no höcher stelle müesse.

Nacht hämmer guet überstande, da mir ja es Wasserbett händ wo gheizt isch, und de Nahuel hät au schön Warm gha. Um 9ni klinglet de Fachmaa und i lan en inne ir Hoffnig das er schnell alles behebe chan, doch es muess alles andersch cho :-( Heizig chan er hüt nüme repariere da er es ersatzteil brucht und das bechunt er morn und es isch au günstiger wenn ers erst morn repariere muess. Des witere hämmer leider au erfahre das üsi Heizig siet 6Jahr nüme gwartet worde isch!! Leider hämmer da nid gwüsst und somit isch sie voll verdreckt und verstopft und dadurch lauft sie nümm. Jetzt müend mehr sie ersetze la und werdet sie sicherlich au immer warte la! Das isch üs e lehr das säg i eui!

Zur zit hämmer im Huus grad mal 16°C i de nid gheizte Rüm.... Brrrrrr...... und mir dörfet no e wieteri Nacht frühre.....

-14°C am 10ni am Morge

4. Februar

Bim hütige Morgespaziergang mit de Celine, han i mi richtig fescht müesse i packe.... De Wind isch eifach tödlich im Gsicht. Da ich bereits erfahrig han mit so chaltem Wetter, isch mer au für das richtig usgrüschtet :-)

Brülle isch mehr leider immer agloffe so hani si halt müesse ufe platziere, und zum schluss isch eis Glas denn no igfrohre :-(

Ski-Azug

2. Februar

Endli endli isch es mir glunge de chli Maa i sim wunderschöne Ski-Azug fötele :-)

ich hans eui ja au versproche, doch es hät sich leider nie ergäh, bis gester! und hüt wirds sicherlich no meh fotis gäh, und dasmal au mit Schnee :-) Da aber das erschte mal mit Celine :-)

Jaja de gsichtsusdruck seit alles... er hät eifach kei luscht gha zum laufe, so hani ihn den au hauptsächlich treit..

Schnee-Azug

Februar :-) es wird Winter

1.Februar

Passend zum neue Monät gits au es neus Foti vom Nahuel und mir.

Bin mega begeischteret vo üsere Digi-Cam, die macht so geniali Fotis, wemer sie richtig istellt :-) und da Jimdo grad no e neuerig gmacht hät mit de tolle Spalte asicht hanich das natürlich grad müesse usprobiere :-) Na gfallts eui?

Bi üsem Auto müend mer unbedingt gümmi i Fette, süscht bring i türe die nächschte Täg nümme uf :-) So chalt isch es bi üs scho. Hüt am Morge hämmer

- 6°C gha, brrrrr

Neues Wort

26. Januar

Gester Abig uf de Wickelkommode hät de chlini Maa es witers Wort gseit, und das ganz ohni vorspreche :-)

Er hät ganz lut und dütlich OMA gseit. Wie er zwar uf das Wort chunt? Es hät nirgends es Foti vo ihre oder mir händ au nid vo ihre gredet, vielliecht isch au eifach zufall gsi, aber das isch ja au glich :-)

Gester bim Zwergetreff im Dorf, isch de chli Maa erschti mal so richtig offe gsi. Er hät mit de andere Kind gspielt und häts mega luschtig ga. Er isch immer wieder zu mir zrug cho und hät churz kuschlet und isch denn wieder go spiele *love* echt süess. Er hät sowieso grad e mega kuschelphase, er chunt sicher alli 15minute kurz zu einem go alehne umarme küssli ge und gaht den wieder :-)

Er chans!

23.Januar

Mir sind grad am Znachtässe gsi, als de Papi hei chunt. Nahuel hät ihn natürli ghört und erschte wo er macht isch: PAPA säge, und dass denn grad nomal! Debi hät er total umegwaglet im TrippTrapp und häts chum chöne erwarte bis de Papi im Wohnzimmer stande isch :-)

Mir sind richtig stolz uf üse chli Sohnemaa :-)

Sunntigsstimmig

22.Januar

Immer am Weekend düemer gnüsslich Frühestücke und denn gits fürs Mami und de Papi kei Zmittag :-) aber denn wieder en tolle leckere z'Vieri und dasmal häts en Käsekuche gäh. De chli Maa hät de mega gern und mir au. Doch irgendwie hät er öpis welle und damit mir usefinde chönt was, hämmer ihn usem TrippTrapp gno und siehe da, er hät eifach nöcher bi üs sie :-) oder doch lieber uf em Tisch wieter esse :-)

Mis neue Pijama vom Mami

20. Januar

Bin i taub?

17.Januar

Das isch scho die zweiti Nacht in folge, als ich min liebe Sohnemaa nid ghöre wenn er brüelt.

Zum Glück ghört ihn aber de Papi und so staht er uf und versorgt de Nahuel. Zur ziet het er eifach nur durscht i de Nacht und nach ca. 2 dl Wasser schlaft er zfriede wieter :-)

Sit churzem chan de Nahuel mit de Zunge Schnalze und macht das jetzt u gern, es geht so herzig us.

Dazue chunt das er en mega Nuggi spliin hät, er tuet sicherlich alli 5 minute sin Nuggi wechsle. I de Schublade lieget alli sini Nuggi, und da gat er anne und wechslet si ständig :-)

Vollmond Ade

11. Januar

Bitte liebe Mond la üsi Kind wieder schlafe :-)

Die Nacht isch e chli mühesam gsi... Am Abe isch er so was vo qungelig gsi, dass de chli Maa scho um siebni is Bett gange isch. Er isch ohni Problem i gschlafe, aber als mir is Bett sind hät er erschti mal brüellet, doch mit Wasser gäh und wieder ane lege hät er wieder pfüsselet. Doch um halbi drü isch er brüellent verwachet, er hät sich nur uf mim Arm beruhigt :-( so bald er wieder im Bett gsi isch hät er wieder brieget.

Als de Papi über isch, hät de Nahuel zerscht prodestiert und dänn agfange zum pläuderle....

"Also liebe Vollmond, la dini kräft a de Pflanze und a de Tier us, aber verschon üsi Kinder!"

En super schöne Ski-Azug

Da üse alti Schneeazug am Nahuel klii isch hät die liebe Nonna en meeeeggggaaaa schöne Ski-Azug kauft!

Jacke isch Türkis usse und inne Brun mit allne schikane, sogar en Schneefänger häts *staun* Hose isch gstreift und lüchtet i de tolle Farbe vo Grüen, Brun, Wiess! A er isch eifach genial, de hette mer üs au usgsuecht, uf dem Weg möchti dir nomal herzlich Danke für de super schöni Azug! und Jetzt muess nur no meh Schnee cho (au bi üs im Flachland) und denn gats aber ab :-)

Fotis folget :-)

Heilige Drei Könige

06. Januar

Am Namittag hämmer en super feine Kueche chöne mampfe und das ohni Wiiberbeeri :-)

De Nahuel hät leider kein König i sim Stuck gha, ich leider au nid, also so isch wieder e mal de Papi de König worde. Doch mir händ zäme bestumme das mer mal wieder is Glattzentrum go shoppe gönd, und es isch en heide spass gsi. Für de chli Maa hämmer de Buggy gar nid mitgno, sondern er isch die ganz ziit umegloffe oder süscht hämmeren treit. Zum Znacht häts es tolls Happy Meal gäh und ihr werdets nid glaube aber de Nahuel häts ganze verdruckt :-)

Sturz zwei vo de Treppe

04. Januar

Leider isch es scho wieder passiert :-(

De Nahuel isch wieder Treppe durab keit....

Mir sind vom spaziere hei cho. De Papi isch obe gstande und ich mich am abzieh.

De Nahuel lauft zur treppe, meischtert die erste zwei super krabbelnd duruf, doch nachem Bodest, staht er uf mahl uf, warschindlich um am Papi Hoi zäge und denn klöpfts scho......*brüel*

Er isch zerscht uf de Po und denn uf de Hinderkopf gfalle, er hät so brüellet das ich grad mit brüellt han und erst nach einige Minute üses troscht lied ha chöne singe. Zum Glück isch nur e grossi Büle entschdande, aber de Schock isch scho heftig.

Doch er hät au dasmal nüt glernt vo dem Sturz, denn hüt er e scho wieder ufe welle

Wienachte zum zweite

2. Januar

Hüt simmer bim Omi und Opi gsi und hät nomal Wienachte gfiieret.

Underem Baum häts mega viel Gschänkli gah und meh als helfti isch am Nahuel gsi :-)

Er hät mega freud am Uspacke.

Becho hät er:

en CD-Player, es Xylophon, es Laufwägeli für verusse, zwei Kässeli, zwei Kinderstüheli, en Schlitte

Wie immer häts berühmte Fondue Bourginio gäh und de Nahuel isch en meeegggaaaa Goldschatz gsi und hät super schön gesse.

Es isch mega gmüetlich si und es hät üs allne u guet gfalle

Fotis werdet no id Gallery igfüegt

Töpfli macht Musig

2. Januar

Nahuel verzellt:

Am Morge, nach em Zmörgele häts mal wieder gheisse, dass ich go bade dörf :-)

das find i immer so lässig, doch bevor i id Badwanne ha dörfe bin i uf so enem komische wies blaue Teil druf gsesse und mis Mami hät immer gseit ich söll Bissi mache. Ich ha sie ganz doof agluegt und ufs mal ertönt e tolli Mussig und es geklatsche vo mim Mami. Denn hani ändli i Badwanne dörfe :-)

Als ich das gnauer agluegt han, hät mers Mami gseit das ich erschti mal is Töpfli gmacht han und sie isch mega stolz dadruf und als belohnig hät ebe Musig spielt vo üsem colle Töpfli.

Haha jetzt chumi druss :-)

Happy New Year!!!!

Mir händ wie letschtes Jahr bi de Jana und em Thomas gfiieret. Doch dasmal simmer nid würkli

zum spiele cho, dass isch eher zweit rangig gsi. Da üsi chline Manne nid ganz es so händ welle wie mir üs das dänkt händ. De Nahuel isch aber super guet druff gsi und au erscht um nüni im Bett gsi.

Defü hät er wie letscht Jahr die ganz knallerei verschlafe *grins*

Nach em Astosse hämmers denn doch no gschafft zum es paar Rundene spiele.

Ich hoffe eues Jahr hät genau so gmüetlich agfange wie üses :-)

Am hüttige morge hät üses chline Schneehäsli üs pfusse la bis 8.30uhr *staun* das hät so richtig guet ta.

Nach em Mittagschlaf isch am Nahuel sin Nonno mit de Nonna verbi cho. Da er sie scho länger nümme gseh hät isch er am afang e chli schüchtern gsi, doch de chline Charmeur isch schnell uf sie zue und so hämmer en super lässe Namittag gha. Nahuel isch en richtig Clown gsi, was er für Grimase und Shows annegleit hät, ach eifach köschtlich :-) Währ ihn kennt weis vo was ich rede...