Über uns

Mir si sit em Jahr 2000 es Paar,händ üs i de Lehrfirm kenne und liebe glernt. Nach guet enem Jahr zämme si, hämmer üs für e gmeinsami Wohnig entschiede und da das so guet klappt hät, hämmer üs au grad es Familiemitglied zu da. En Hund namens Jamie hät zu üs dörfe zie! Nachenem Wohnigswechsel häts glatt no en zweite Hund gäh, Celine isch dezu zoge. Nach ca. zwei Jahre hämmer Züri verla und sind in schön Kanton Aargau zoge, i üsses eigene Hüsli! Die wunderbari Freud isch leider vom Tod vo üsem erschti Hund begleitet worde…

Nachem Ilebe isch aber scho es neuis Familiemitglied zu euis gstosse, de Kater Spike hät es neuis diehei bi euis gfunde. Doch sini neuigirikeit isch im leider zum verhängnis worde und hät üs nach nur grad em al 6Monät verla… aber mir sind uf Katze cho und Celine au, somit hämmer am Nicki e Chace gäh und de hät grad nach em ilebe en chline Kumpel hei bracht de Minusch es Findlingskätzli. Tier-technisch simmer erfüllt. Doch was brucht es Hüsli mit viel Zimmerli? Natürlich es Kindli J und nach 9Mönät lieferigszit isch de Nahuel, üses Wunschkind uf Welt cho und beglückt üs jede Tag ufs neui!